ग्लोबलडाटाका अनुसार, यस साझेदारीमार्फत टिकटक सपका मर्चेन्टहरूले टिकटकको मर्चेन्ट अनबोर्डिङ र बिजनेस म्यानेजमेन्ट प्लेटफर्म प्रयोग गरी सामान्य दायित्व, व्यावसायिक दायित्व, कामदार क्षतिपूर्ति तथा साइबर बीमालगायत व्यावसायिक बीमा उत्पादनहरू खरिद गर्न सक्नेछन्। यससँगै डिजिटल प्लेटफर्ममार्फत बीमा सेवा प्रदान गर्ने प्रवृत्ति अझ विस्तार हुँदै गएको बताइएको छ।
ग्लोबलडाटाको २०२५ को एसएमई सर्वेक्षणअनुसार ३९.१ प्रतिशत साना तथा मझौला उद्यम (एसएमई)हरूले मार्केटप्लेस प्लेटफर्ममार्फत सेवा वा उत्पादन खरिद गर्दा व्यावसायिक बीमाको प्रस्ताव पाएका छन्। तीमध्ये ४८.८ प्रतिशतले बीमा खरिद गरेको देखिएको छ।